Të paktën 15 persona humbën jetën dhe 44 të tjerë u plagosën në një zjarr që shpërtheu të premten në një kompleks banimi në qytetin lindor të Kinës Nanjing.
Zjarri ka nisur në orën 04:39 të mëngjesit të së premtes dhe për shuarjen e tij janë mobilizuar forca të forta zjarrfikëse me 25 automjete. Në pamjet që u bënë publike në rrjetet sociale kineze shihet një godinë shumëkatëshe që i është dorëzuar flakëve dhe tymit të dendur që ngrihet në qiell.
Shkaqet e zjarrit janë duke u hetuar, por autoritetet vlerësojnë se ka nisur në një vend ku ka pasur dyrrota elektrike.
Në një konferencë për shtyp që dha kryetari i bashkisë së metropolit kinez, Chen Zhichang, shprehu ngushëllimet e tij për familjet e viktimave.
Muajin e kaluar, 39 persona humbën jetën në një zjarr në një dyqan në provincën Jiangxi të Kinës qendrore.
At 4 a.m. on February 23, a #fire broke out in Building 6, Mingshang #Xiyuan, #Yuhuatai District, #Nanjing City, which was suspected to be caused by electric vehicle charging.
The search and rescue work has basically ended, and the fire has killed 4 people. pic.twitter.com/ln57GcRSxS
— Indian Observer (@ag_Journalist) February 23, 2024
