Mbrëmjen e së enjtes u luajt ndeshja mes Getafe dhe Real Madrid, e vlefshme për La Liga. Skuadra e Carlo Ancelotti doli fituese 0-2 falë dygolëshit të Joselu. Por ndeshja u vendos në të gjitha faqet e para të gazetave spanjolle për shkak të përplasjes që ndodhi në fushë mes Bellingham dhe bashkatdhetarit të tij te Getafe, Greenwood.
AKUZA NDAJ MASON GREENWOOD
Ish-futbollisti i Manchester United, Mason Greenwood po përballet me një akuzë të rëndë nga e dashura e tij që e denoncoi për përdhunim. Ka pasur beteja ligjore që kanë ndikuar edhe në karrierën e anglezit vitet e fundit. Tashmë rilindja në Spanjë te Getafe ku duket se ka gjetur qetësinë për të luajtur futboll. Por për të ndeshja kundër Real Madrid pati një përfundim të keq.
BELLINGHAM E QUAJTI ‘PËRDHUNUES’
Një stuhi e vërtetë polemikash u përplas mbi Jude Bellingham, i cili dyshohet se u bë protagonist i një gjesti shumë të shëmtuar. Gjatë një përplasjeje loje me bashkatdhetarin e tij, Jude i bërtiti fjalën përdhunues (rapist në anglisht). Getafe i kërkoi Federatës Spanjolle të Futbollit të analizojë pamjet dhe të lexojë buzët e Bellingham. Mesfushori i Carlo Ancelottit mund të dënohet rëndë me një pezullim të gjatë.