Radu Dragusin zgjodhi Tottenham, duke i dhënë kështu fund një telenovelë të vërtetë ofertash dhe ndërhyrjesh të papritura. Mbrojtësi, për një shumë mbi 30 milionë euro i dha lamtumirën Genoa, për t’u nisur drejt Londrës. Asgjë për të bërë për Milan, Napoli e mbi të gjitha Bayern Munich, i befasuar në fund. “E kam të vështirë të besoj se ai u tha jo bavarezëve – tha menaxheri i tij Florin Manea për një portal rumun -. Ne zgjodhëm këtë mëngjes, Bayern kishte vënë në tavolinë më shumë para në tavolinë. Por ai beson se Tottenham është hapi i duhur në këtë moment të karrierës”.
Thank you for reading this post, don't forget to subscribe!Dragusin, që duhet t’i ketë shkaktuar një keqardhje të vërtetë Juventus që hoqi dorë shpejt prej tij duke e shitur për 7.3 milionë, largohet nga ligurët e Gilardino pas një pjese të parë të shkëlqyer të sezonit. Genoa, përveç parave, do të kenë edhe mbrojtësin e krahut Spence të huazuar nga Spurs.
“Ne menduam gjithë natën për atë që ishte oferta më e mirë pa fjetur -vazhdoi menaxheri i 21 -vjeçarit -. Milan dhe Napoli gjithashtu e donin Dragusin, por ai ëndërronte të luante në Premier League që kur ishte i ri. Tottenham në një pikë të caktuar dukej larg, por bëri përpjekje të mëdha për të marrë Radu”, sqaroi Manea.
