Pas fitoreve “kursimtare”, një sukses spektakolar. Juventus shkon në çerekfinale të Kupës së Italisë dhe e bën këtë me një 6-1 shkatërrues ndaj Salernitanas. Megjithatë, në Allianz Stadium, fillimi ishte një makth për bardhezinjtë, të cilët pas më pak se një minute ishin në disavantazh.
Gatti, nën presion, gaboi pasimin, duke i dhënë në mënyrë efektive një top Ikwuemesi, që, i vetëm përballë Perin, nuk bëri asnjë gabim. Sambia sfidoi portierin e Juventus nga distanca, para se bardhezinjtë të nisin përgjigjet. Cambiaso uli topin me kokë për Miretti, që barazoi rezultatin në minutën e 12′. Menjëherë pas kësaj, Gatti pretendoi një penallti, por faulli ishte jashtë zonës. Megjithatë, rikthimi u përfundua në minutën e 35′ me golin e shënuar nga Cambiaso. Fiorillo, para pushimit, evitoi trisin e tentuar nga Miretti.
Gjithsesi, 3-1 erdhi në pjesën e dytë, në minutën e 54′, me goditjen e Ruganit. Në gjysmën e pjesës së dytë, Allegri futi Yildiz e turku nuk zhgënjeu. I tij aksioni që solli golin e 4-1, me Bronn, që në mënyrë të pafat e devijoi topin në rrjetën e tij. Pas pokerit, trajneri i Juventus hodhi në fushë një tjetër lojtar të ri të shumëpritur, Nonge, si dhe Vlahovic.
Në finale rezultati u ekzagjerua falë kryeveprave të Yildiz dhe Weah. Turku shënon një gol të ngjashëm me atë ndaj Frosinone pas një sllallomi shkatërrues duke nisur nga e majta. Ndërsa amerikani goditi nga distanca duke gjetur një kryevepër dhe 6-1 final. Tani përballë do jetë Frosinone, por ky rezultat është një mesazh i dërguar jo vetëm për skuadrat e mbetura në Kupën e Italisë.
