Drejtori i përgjithshëm i Organizatës Botërore të Shëndetësisë (OBSH) denoncoi dje “shkatërrimin” e sistemit shëndetësor në Rripin e Gazës, i cili po pëson shkatërrime të mëdha nga lufta. Ai përsëriti thirrjen e tij për shpalljen e armëpushimit të menjëhershëm. “Shkatërrimi i sistemit shëndetësor të Gazës është një tragjedi,”, tha Tedros Adhanom Ghebreyesus përmes X (ish-Twitter).
OBSH ka kohë që ka dhënë alarmin për gjendjen e sistemit shëndetësor që nga nisja e luftës, më e përgjakshme e përjetuar ndonjëherë nga Rripi i Gazës, i shkaktuar nga sulmi, gjithashtu më vdekjeprurës në historinë izraelite, nga militantët e Hamasit në zonat jugore të Izraeli më 7 tetor.
Anëtarët e Brigadave Ezzedine al-Qassam, krahu ushtarak i Hamasit, vranë rreth 1,140 njerëz atë ditë, shumica prej tyre civilë, sipas një numërimi të AFP-së bazuar në deklaratat zyrtare izraelite, dhe morën rreth 250 pengje, më shumë se 120 prej të cilëve mbeten robër në Rripin e Gazës. Operacionet ushtarake në shkallë të gjerë të nisura nga Izraeli që atëherë, veçanërisht sulmet masive ajrore, kanë marrë jetën e 20,424 njerëzve, shumica prej tyre gra dhe fëmijë, sipas ministrisë së Shëndetësisë së Hamasit në Gaza.
Javën e kaluar, OBSH theksoi se nuk ka mbetur asnjë spital në funksion në pjesën veriore të Rripit të Gazës.
Javën e kaluar dy spitale pësuan dëme të mëdha në veri, ndërsa zyrtarë të OBSH dhanë alarmin se aty kishte fëmijë të pamundur për të cilët nuk kujdesej njeri, nuk kishte as ushqim dhe as ujë.
