Asnjëherë miq. Kështu mund të përkufizohet marrëdhënia mes Andrea Agnelli dhe Aleksander Čeferin. Një lidhje, ajo mes ish-numrit një të Juventus dhe presidentit të UEFA-s, që është përkeqësuar prej disa kohësh. E dje përjetoi një kapitull të ri në sagën e konfliktit. Në konferencën për shtyp mbi Super League, italiani u lidh për të ndjekur transmetimin direkt të Čeferin. Por Agnelli u njoh dhe u përjashtua nga transmetimi i drejtpërdrejtë.
AGNELLI VS ČEFERIN: KUR LINDI KONFLIKTI
Vendimi i Gjykatës Europiane të Drejtësisë, që legjitimoi ekzistencën e Super League, ka rindezur tensionin mes tyre. Një tension i lindur në vitin 2021, kur Agnelli si president i Juventus i dha jetë projektit bashkë me Real Madrid dhe Barcelonën. Që nga ai moment, pati një numër të madh shigjetimesh dhe sulmesh reciproke. E duket se nuk janë ulur ende.
U DALLUA DHE U PËJASHTUAN NGA KONFERENCA
Menjëherë pas vendimit, UEFA organizoi një konferencë për shtyp përmes Zoom për të diskutuar këtë çështje. Në listën me gati 300 pjesëmarrës përfshiheshin shumë gazetarë dhe drejtues nga bota e futbollit europian. Mes tyre tentoi të futej edhe Andrea Agnelli. Megjithatë, siç raporton TuttoSport, ai u njoh dhe më pas u përjashtua nga transmetimi i drejtpërdrejtë. Me sa duket, paqja mes ish-presidentit të Juventus dhe Čeferin është ende larg.
