Sekretari i Përgjithshëm i Kombeve të Bashkuara Antonio Guterres nderoi të shtunën 136 punëtorë të OKB-së të vrarë në Gaza gjatë 75 ditëve të fundit, duke e cilësuar humbjen e tyre si diçka që nuk është parë kurrë në historinë e OKB-së.
Në një deklaratë në X, Guterres tha se shumica e punëtorëve të OKB-së në Gaza ishin detyruar të largoheshin nga shtëpitë e tyre.
“Unë u bëj homazhe atyre dhe mijëra punonjësve të ndihmës që rrezikojnë jetën e tyre ndërsa mbështesin civilët në Gaza,” tha ai, shkruan CNN.
Deklarata e Sekretarit të Përgjithshëm erdhi një ditë pasi administratori i Programit të Kombeve të Bashkuara për Zhvillim (UNDP) Achim Steiner njoftoi në një deklaratë vdekjen e punonjësit të agjencisë Issam Al Mughrabi së bashku me gruan dhe pesë fëmijët e tij. Ata u vranë në një sulm ajror izraelit në qytetin e Gazës të premten.
