Ndeshja e Gianluigi Donnarumma kundër Le Havre në Ligue 1 zgjati vetëm 9 minuta. Portieri italian prej kohësh nën kritikat e tifozëve ishte protagonist i një ndërhyrje vrastare ndaj sulmuesit kundërshtar Casimir. Gabim në kohën e daljes nga Gigio, me numrin 23 të Le Havre, që i parapriu duke marrë një goditje me taka mes gjoksit dhe fytyrës.
Përjashtimi ishte i menjëhershëm dhe Barcola u detyrua të largohej nga fusha për të aktivizuar portierin Arnau Tenas. Për Donnarumma, që vjen nga gafa e dyfishtë mes kampionatit kundër Monakos dhe Champions League kundër Neëcastle, është një tjetër moment i keq në përvojën pariziene.
Inferioriteti numerik nuk e ka penguar skuadrën e Luis Enrique të marrë një fitore emocionuese në javën e katërmbëdhjetë të Ligue 1. PSG fitoi 2-0 kundër Le Havre, pavarësisht përjashtimit të portierit Donnarumma në minutën e 9′. Ish-lojtari i Milan e la ekipin e tij me dhjetë lojtarë pothuajse gjatë gjithë ndeshjes. Por parisienët u shpëtuan nga Mbappé, i cili shënoi në minutën e 23′ dhe Vitinha, që mbylli ndeshjen në të 89′. Luis Enrique ngjitet në +4 nga vendi i dytë.