Disa protestues u përleshën me policinë, dogjën vetura dhe plaçkitën dyqanet në Dublin, pasi tre fëmijë u plagosën në një sulm me thikë pranë një shkolle. Policia, e pajisur me mjetet për protesta, ruajti rrugët e kryeqytetit irlandez, ndërsa turmat brohorisnin dhe ndiznin fishekzjarre.
Thank you for reading this post, don't forget to subscribe!Këto trazira të cilat po konsiderohen më të rëndat në Dublin ndër vite erdhën pasi një vajzë pesëvjeçare u godit me thikë ne sheshin Parnell East në veri të Dublinit qendror. Tre fëmijë të tjerë dhe një grua u dërguan në spital pas incidentit, rreth orës 13:30. Policia e përshkroi sulmuesin si një burrë rreth të pesëdhjetave, ndërsa reagimet në mediat sociale për kombësinë e tij nxitën trazirat pas sulmit.
Shefi i policisë, Drew Harris, fajësoi një “grup të çmendur të drejtuar nga ideologjia e ekstremit të djathtë” dhe paralajmëroi kundër “dezinformatave”. Disa protestues mbanin pankarta ku shkruhej “Jetët irlandeze kanë rëndësi” ndërsa valëviteshin flamuj irlandez nëpër një lagje në të cilën banojnë një komunitet i madh emigrantësh.
