Forcat speciale të Policisë së Kosovës sot kanë ndaluar në Leposaviç një serb tjetër, në moshën 34-vjeçare dhe i kanë bastisur dhe shtëpinë.
Shtëpia e serbit të identifikuar si M.M ku jeton me gruan dhe pesë fëmijët e tij, ndodhet në një pjesë të qytetit që banorët vendas e quajnë Leposavsko.
Bashkëshortja e të arrestuarit ka konfirmuar për mediat se gjatë kontrollit, oficerët specialë i kanë thënë që t’i largojë fëmijët.
Ajo gjithashtu shtoi se bashkëshorti i saj ishte ndaluar për shkak të një postimi në Facebook, por se ajo nuk e dinte se nga cili vit ishte ai postim dhe se i ishte thënë se ai do të jepte deklaratë vetëm në stacionin policor.
Fqinjët e të arrestuarit kanë konfirmuar se janë shqetësuar nga kjo ngjarje.
