Nuk shuhet jehona e mrekullisë së Olivier Giroud si portier në Genoa-Milan. Në grumbullimin e kombëtares franceze, ku u thirr nga trajneri Didier Deschamps për ndeshjet kundër Holandës dhe Skocisë, sulmuesi i Milanit shpjegoi ndjesitë e atyre momenteve emocionuese: “Ishte kënaqësi, ishte argëtuese. Kam një hematomë të vogël (tregon parakrahun e djathtë, red.) por jam mirë. Gjithçka është çështje guximi, e gjitha guxim!”.
Më pas Giroud u pyet për traversën e Gudmundsson: “Përfundoi në traversë, ndaj isha i qetë. Qetësi, qetësi” bëri humor ai me stafin e Gjelave.
