Britania e Madhe dhe Italia e Turqia janë dy vendet që kanë fituar të drejtën e organizimit të finaleve të dy kampionateve të ardhshëm europian. Në mbledhjen e parë me presidentin e FSHF-së, Armand Duka, në cilësinë e zv.Presidentit të UEFA-s, Komiteti Ekzekutiv përcaktoi vendet që do të presin ‘EURO 2028’ dhe ‘EURO 2032’.
Komiteti Ekzekutiv vendosi që Mbretëria e Bashkuar (Anglia, Irlanda e Veriut, Skocia dhe Uellsi) dhe Republika e Irlandës të presin finalet e Kampionatit Europian ‘EURO 2028’. Ndërsa Italia dhe Turqia do të organizojnë së bashku finalet e Kampionatit Europian ‘EURO 2032’. U miratua gjithashtu edhe kalendari për mbledhjet e radhës, si edhe çështje të tjera që kanë të bëjnë me anën administrative të UEFA-s.
