Italia përballet me një gjendje emergjente ku zjarret dhe stuhitë kanë bërë që autoritetet të ngrenë alarmin.
Për shkak të temperaturave deri në 47 gradë Celsius janë aktivizuar vatra të mëdha zjarri në disa ishuj të Siçilisë. Mediat italiane shkruajnë se aeroporti ndërkombëtar i Palermos u mbyll gjatë natës pasi zjarret u dogjën rreth perimetrit të tij. Era ka ndikuar në përhapjen më të shpejtë të flakëve.
