Këngëtarja e mirënjohur shqiptare, Albërie Hadërgjonaj, është aluduar disa herë se do të jetë pjesë e Big Brother VIP Albania.
Megjithatë, ajo në edicionet e kaluara i kishte mohuar këto thashetheme duke ua bërë me dije fansave se nuk ka mundësi të jetë e pranishme në një format të tillë.
Së fundmi përmes rrjeteve sociale, artistja ka zbuluar edhe arsyen që ia pamundëson pjesëmarrjen në këtë reality show.
Në pyetjen e bërë nga një ndjekës, krijuesja e hitit “Asnjëherë” thekson se është gjatë për të lënë anash jetën dhe punën.
“Do e bësh Big Brother këtë vit? Do ishte flakë”, ka qenë pyetja që iu drejtua nga një ndjekës në Instagram.
“Ehhh nuk është kollaj. Është pak gjatë të shkëputesh nga jeta dhe puna”, tha mes tjerash Hadërgjonaj.
Albëria ndërkohë po vazhdon angazhimet e saj në muzikë dhe jetën në Amerikë.
