Victor Osimhen i dërgon një mesazh Napolit. Nigeriani, i përfshirë në Kupën e Kombeve Afrikane me ekipin e tij kombëtar, foli për CBS dhe u fokusua veçanërisht në të ardhmen e tij: “Unë tashmë kam marrë vendimin tim në lidhje me hapin e radhës që do të bëj në fund të këtij sezoni – ishin fjalët e sulmuesit të Napolit -. Unë tashmë i kam gjërat të qarta, tashmë e kam planin tim, e di se çfarë dua të bëj. Mendoj se 60% e njerëzve flasin për mua që po afrohem në Premier League… Kampionati anglez është një nga më të mëdhenjtë në botë. Tani dua ta përfundoj sezonin me Napolin, pastaj të ndjek vendimin që e kam marrë tashmë”.
Fjalë që lënë pak vend për interpretim dhe janë të destinuara të shkaktojnë shumë diskutime. Osimhen ka rinovuar së fundmi kontratën me Napolin deri në vitin 2026, por e ardhmja e tij është diskutuar shumë javët e fundit. Mbi të gjitha pas përplasjes verbale në distancë mes Osimhen dhe menaxherit të Kvaratskhelia.
Megjithatë, nuk duhet harruar se në marrëveshjen e re është përfshirë edhe një klauzolë lirimi rreth 120-130 milionë euro. Me pak fjalë, në rast lamtumire, klubi i Aurelio De Laurentiis do t’i garantonte vetes të ardhura marramendëse.
