Ambasadorja amerikane, Yuri Kim ka realizuar një takim me kryetaren në detyrë të Gjykatës Kushtetuese, Vitore Tushën, pak javë pasi ky institucion u bë funksional.

Kim shkruan se tashmë Vitore Tusha e cila është dhe kryetare e KED ka përgjegjësinë të drejtojë Gjykatën Kushtetuese në shqyrtimin e çështjeve të rëndësishme duke nënvizuar se SHBA do të vazhdojë mbështetjen ndaj Reformës në Drejtësi.

“Unë u takova me gjyqtaren Tusha për ta falënderuar atë për udhëheqjen e qëndrueshme dhe të mençur të KED, e cila bëri të mundur që Gjykata Kushtetuese të bëhet funksionale. Tani, ajo ka përgjegjësinë të drejtojë GJK-në në shqyrtimin e çështjeve të rëndësishme. SHBA do të vazhdojë mbështetjen e saj të fortë në mënyrë që Reforma në Drejtësi të japë rezultate”, shkruan Yuri Kim.

https://twitter.com/USAmbAlbania?ref_src=twsrc%5Etfw%7Ctwcamp%5Etweetembed%7Ctwterm%5E1351535639158775810%7Ctwgr%5E%7Ctwcon%5Es1_&ref_url=https%3A%2F%2Flapsi.al%2F2021%2F01%2F19%2Fyuri-kim-ne-takim-me-vitore-tushen-ka-pergjegjesine-e-drejtimit-te-ceshtjeve-te-rendesishme%2F