Në javën e fundit të fazës së grupeve të Champions League, Real Madrid mbyll grupin F në vendin e parë. Blanco dominojnë 5-1 në Bernabeu kundër Celtic. Penalltitë e Modric (6′) dhe Rodrygo (21′) dhe golat e Asensio ( 51′), Vinicius (61′) dhe Valverde (71′) vendosën ndeshjen. Në vend të dytë mbërrin Leipzig, që dominoi përballjen direkte me Shakhtarin. Ukrainasi shkojnë në Europa League. Mbyllet 4-0 me Nkunku, André Silva, Szoboszlai dhe autogolin e Bondar.

 

GRUPI F

Ashtu siç pritej, Real Madrid fitoi grupin F duke mposhtur 5-1 Celtic në Bernabeu. Një ndeshje, pjesa e parë e së cilës pati protagonistë penalltitë. Sfida për formacionin e Ancelottit u zhbllokuan që në minutën e 6′. Prekje me dorë nga Jenz në goditjen e Valverdes dhe Modric transformoi nga pika e bardhë. Situata u përsërit edhe në të 21′, me një tjetër prekje me dorë nga Starfelt. Këtë herë realizoi Rodrygo. Penalltia e tretë u akordua për Celtic. Mendy pengoi Abada në zonë, por nga njëmbëdhjetë metra Courtois hipnotizoi Juranovic. Në pjesën e dytë, blancos mbyllën ndeshjen me Asensio, Vinicius dhe Valverde brenda 20 minutave (51′, 61′ dhe 71′). Pas goditjes së lirë të Jota në minutën e 84, përfundoi 5-1, me Real Madrid që do të jenë në vazon e parë në shortin për 1/8.

Në vend të dytë renditet Leipzig, që fitoi 4-0 në Varshavë kundër Shakhtar. Gjermanët triumfojnë në përballjen direkte falë golit të Nkunku (10′). André Silva (50′) siguroi rezultatin, ndërsa kundërsulmi i Szoboszlai (62′) firmosi trisin. Autogoli i Bondarit (68′) vetëm sa i dha përmasa fitores së Leipzig. Nga ana tjetër, ukrainasit duhet të kënaqen me Europa League. E mbyll me vetë dy pikë në gjashtë ndeshje Celtic. Skocezët ishin një zhgënjim i vërtetë në Grupin F, edhe pse mendohej se ndoshta mund të luanin për të paktën vendin e tretë.