Mardhëniet e mira me Parisin nuk mund të jenë zgjatim i përjetshëm i atleteve Adidas dhuratë për Emanyel Makronin. Presidenti Francez e nxori një vit e ca më parë bllof ramën kur poloi se nuk ishte faji i vendit të tij që nuk u hapën negociatat për Shqipërinë, por këtë nuk e donin gati gjysma e shteteve anëtare. Këtë herë përgjigjja ka ardhur nga selia diplomatike në Tiranë.

Lexo me tej:


Pse u tha jo për Shqipërinë? Deklarata video e Makron që e nxjerr zbuluar Ramën

Ambasada franceze ka reaguar më një notë të ashpër proteste ndaj deklaratave të kryeministrit Ramë në emisionin “Open” të së enjtes, ku shefi i qeverisë akuzoi Bashkimin Europian për egoizmin e treguar në mosdhënien e vaksinave për shtetet e ballkanit perendimor. “Nuk është e përshtatshme të sulmosh në këtë mënyrë nominative një vend mik dhe aleat”, thuhej në letrën e protestës dërguar ministrisë sonë të jshtme (lexo linkun poshë)ku gjithashtu hidheshin poshtë edhe pretendimet e kryeministrit se qeveria franceze ka një sasi vaksinash që nuk i përfor dot e megjithatë nuk i jep vendeve që kanë nevojë.

Ambasada e Franceze: Rama po sulmon vendet mike dhe aleate

Po si lindi kjo polemikë që fillimisht nxiti përplasjen me ambasadorin e BE në Tiranë Soreca dhe më pas atë të ambasadës franceze.

Sulmet e Ramës ndaj Europës nisën që në 1 Janar, kur kryeministri shqiptar mungesën e bujarisë për vaksinat e quajti “egoizmi dhe cinizmi i frikshëm në kontinentin ku jetojmë”. Që në ditën e parë të vitit, Edi Rama foli për një hendek, që u hap mu në mes të Europës, nga “vendimmarrja absurde, e papranueshme moralisht, e pakuptueshme politikisht dhe e pajustifikueshme edhe logjikisht e Bashkimit Europian”.

Pra duhet parë me kujdes deklarat ku të rëndësishme janë nuancat. Aty rama i ra BE dh si kundërpërgjigje ia ktheu ambasadori Soreca. Ai u shpreh i habitur nga deklarata e kryeministrit dhe përmendi se BE i ka akorduar Shqipërisë 115 milionë euro për tërmetin, se ka ndarë &0 milionë euro për vaksinimin e vendeve të Ballkanit terendimor, por nguli gjithashtu edhe një kunjë duke pohuar se Shqipëria nuk është e përgatitur dhe nuk ka një plan për fushatën e vaksinimit.

Retorika anti-BE nga Ankaraja/ Soreka i kujton Ramës qindra miliona euro ndihma

I gjendur nën replikën e ashpër të shefit të delegacionit të BE në Tiranë, Rama e ndryshoi qëndrimin. Të enjeten në “Open” përballë gazetarëve ai e drodhi duke thënë se Soreka e kishte keqkuptuar, “pasi kritikat nuk qenë për Komisionin Europian në Bruksel të cilin ambasadori përfaqëson, por me disa vende që egoizmin dhe cinizmin e kanë kthyer në sistem brenda këshillit Europian” (shiko videon poshtë pas minutes 04 10)Rama shkoi më tej duke marrë si shembull Francën që ka vaksinuar vetëm disa mijra qytetarë të saj ndërkohë që ka siguruar një stok disa fish më të madh, nga i cili mundt ti kishte dhënë 2 mijë apo 5 mijë vaksina vendeve tonë së paku për mjekët.

Lojtës Videosh

Pikërisht ky etiketim direkt i Parisit zyrtar si vend cinik arrogant dhe aspak solidar në periudhë pandemie nxiti shpërthimin e ashpër të ambasadës franceze.

“Ndërsa Franca do të arrijë qëllimin e saj për një milion njerëz të vaksinuar në fund të janarit, Kryeministri ngriti pyetjen se pse Franca duhet të ketë një stok vaksinash që nuk mund t’i përdorë, në vend që t ‘i ndajë me të tjerët.

Përveç natyrës të pavërtetë të këtij informacioni, por që mund të jetë shumë i ndjeshëm për mendjet e njerëzve, kjo ambasade konsideron se nuk është e përshtatshme të sulmosh në këtë mënyrë nominative një vend mik dhe aleat”, shkruhej në reagimin francez.

Tani Ramës si mbetet gjë tjetër veçse të dali e të deklaroi se pas sorecës edhe ambada franceze e ka keqkuptuar.