Administrata e presidentit amerikan Joe Biden ka miratuar kufizime të reja investimesh që i ndalojnë amerikanët të blejnë aksione dhe obligacione ruse.

Ndalimi është hapi i fundit i zyrtarëve amerikanë për të rritur presionin financiar ndaj Rusisë në përgjigje të pushtimit të Ukrainës nga Moska.

Sipas udhëzimeve të reja të  lëshuara të hënën nga Departamenti i Thesarit, investitorëve amerikanë u ndalohet të blejnë “letra të reja me vlerë.”

Deri më tani, amerikanët ishin në gjendje të blinin aksione dhe obligacione ruse.

Amerikanëve nuk u “kërkohet” të zhveshin letrat me vlerë ruse dhe mund të vazhdojnë t’i mbajnë ato, sipas udhëzimit.

Dhe investitorët amerikanë gjithashtu mund të investojnë ende në fondet amerikane që zotërojnë letra me vlerë ruse, për sa kohë që ato prona ruse nuk janë pjesa më e madhe e aseteve të fondit.