Greqia është goditur nga një  tërmet me madhësi 4.8 i shkallës Rihter dhe për fat të mirë nuk ka pasur dëme në njerëz. Qendra Evropiane e Sizmologjisë raporton se tërmeti e kishte epiqendrën 15 kilometra në jug të qytetit të Aiglo dhe 28 kilometra në juglindje të qytetit të Patras në një thellësi prej 38 kilometrash.

Tërmeti është regjistruar rreth orës 04:00. Lëkundje të dobëta janë ndjerë edhe në Krini që ndodhet 3 km nga epiqendra, Naupacte 28 km larg dhe Amaliada, 68 km larg.