Sylvester Stallone ka mohuar disa nga akuzat dhe kërkesat e ish gruas së tij  Jennifer Flavin në procedurat e tyre të divorcit.

Flavin, , paraqiti një peticion për zgjidhjen e martesës më 19 gusht.

Në peticion, Flavin deklaroi se Stallone “është angazhuar në shpërndarjen, shterimin dhe/ose shpërdorimin e qëllimshëm të aseteve martesore që ka pasur një ndikim të pafavorshëm ekonomik në pasurinë bashkëshortore”.

Aktori  i mohoi menjëherë këto akuza, duke thënë se ai “nuk është përfshirë në  shpërndarjen ose humbjen e aseteve martesore”. Stallone gjithashtu mohoi kërkesën e Flavin për të pasur përdorim ekskluziv dhe banim të shtëpisë së tyre në Palm Beach, Florida si dhe kërkesën për t’u bashkuar me ndonjë nga entitetet e biznesit ose korporatat e tij në të ardhmen.

Megjithatë, Sylvester  pranoi disa nga kërkesat e tjera të Flavin, duke përfshirë dëshirën e saj për të rivendosur mbiemrin e vajzërisë dhe një shpërndarje të barabartë të aseteve dhe detyrimeve të tyre të përbashkëta.

Aktori i ‘Rocky’ reagoi ndaj ndarjes nëpërmjet përfaqësuesit të tij, duke i thënë ET në fillim të këtij muaji, “Unë e dua familjen time. Ne po i trajtojmë miqësisht dhe privatisht këto çështje personale.”/Lapsi.al