Qytetarët e Tiranës kanë dëgjuar dhe ndjerë një shpërthimi të fuqishëm pak minuta më parë, i cili tronditi edhe godinat. Shpërthimi, burimi i të cilit nuk dihet ende, është raportuar edhe në polici.  Sipas raportimeve të qytetarëve shpërthimi u ndje në të gjitha anët e kryeqytetit duke përfshirë Shkozën, Alliasin, Komunën e Parisit, Freskun, Don Boskon, Saukun dhe Medresenë.

Qyetarët në rrjete sociale shprehen se shpërthimi ishte i ngjashëm me atë të Gërdecit të 13 viteve më parë. Mësohet se policia është angazhuar në terren si dhe në rrugë të tjera operative për të zbuluar origjinën e këtij shpërthimi. Deri tani nuk raportohet për një adresë të saktë, shkak apo pasojë dhe nuk ka asnjë njoftim zyrtar që lajmëron për ndonjë aktivitet apo operacion në kryeqytet.