Një defekt në linjën 110 Kv të nënstacionit, Shkodra 1, ka shkaktuar djegien e paneleve të ujësjellësit në Shkodër. Për këtë arsye i gjithë qyteti i Shkodrës është zgjuar pa ujë të pijshëm. Ndërsa për këtë gjendje është shprehur edhe drejtori i ujësjellësit Mark Molla, duke thënë se dëmi është i konsiderueshëm, duke e kaluar vlerën prej 200.000 lekësh të reja.

Ai tha se deri më tani nuk kishte asnjë përgjigjie nga OST apo OSHEE dhe kërkoi që të ndërhynin duke thënë se rregullimi nuk është në dorën e ujësjellësit të Shkodrës. Pritet që riparimi i defektit të kryehet rreth orëve të drekës.

“Janë dëmtuar 3 panele kryesore, bashkë me disa tela të rëndësishëm. Nuk është në dorën tonë, i bëj thirrje OST, OSHEE, që të vijë e të ndërhyjnë për këtë problem. Ka pasur mbingarkesë, nuk është problem i përhershëm”– u shpreh Mark Molla.