Këngëtarja kosovare me famë botërore, Rita Ora po vazhdon me suksesin e saj në tregun botëror. Së fundmi ajo ka pozuar për ballinën e muajit prill të revistës “Harper’s Bazaar Australia”, e cila del në shitje së shpejti dhe i dedikohet optimizmit dhe fuqizimit të gruas.


Duke qenë e angazhuar në “The Voice” në Australi, këngëtarja me prejardhje kosovare po bëhet pjesë e projekteve të ndryshme, përfshirë këtu edhe atyre në fushën e modës.

 

Ajo e ka ndarë fotografinë e ballinës në rrjetin social Instagram, ku shfaqet mrekullueshëm me një fustan ngjyrë trupi të markës “Fendi”, flokët kaçurrela natyrale dhe stolitë prej diamanti të markës “Cartier”.

 

 

 

“Është nxehtë tani. Numri i prillit për Bazaar’s në shitje nga e enjte, 24 mars”, ka shkruar Ora në mbishkrimin e postimit.