Kanada do të luajë ndeshjen e saj të parë në Kupën e Botës në 36 vjet, kur të përballet me Belgjikën në stadiumin Ahmad bin Ali. Për Belgjikën, kjo përfaqëson shansin përfundimtar për shumë nga ‘Brezi i Artë’ i tyre, për të fituar një turne të madh.

BELGJIKA

Shqetësimi i madh në grumbullimin e Belgjikës është në lidhje me gjendjen fizike të Lukaku. Sulmuesi i Inter nuk do të luajë në ndeshjen hapëse të grupit, kështu që Batshuayi është titullari i mundshëm. Megjithatë në zgjedhjet e teknikut Martinez është edhe Lois Openda, një alternativë e vlefshme për të zbritur në fushë. Pasi ishte një nga interpretuesit e tyre të shquar në Euro 2020, Thorgan Hazard është përballur me probleme dëmtimesh gjatë vitit të kaluar. Kështu që Timothy Castagne ose Yannick Carrasco mund të zënë vendin e tij në krahun e majtë. Vëllai i Thorgan, Eden Hazard, është i preferuari i Martinezit, pavarësisht mungesës së minutave me Real Madrid. Numri 10 edhe njëherë duhet të fillojë nga minuta e parë në krahun e majtë të tridhëmbëshit. Martinez është kritikuar për vazhdimin e përzgjedhjes së lojtarëve në moshë, por ka një përjashtim. Qendërmbrojtësi adoleshent Zeno Debast duket se do të jetë titullar, duke kaluar Dedryck Boyata dhe Jason Denayer.

KANADA

Kapiteni Atiba Hutchinson duhet të arrijë ndeshjen e tij të 99-të për Kanada, duke bërë paraqitjen e tij të parë në turne të madh. Një kënaqësi e jashtëzakonshme për lojtarin, pothuajse 20 vjet pas debutimit të tij. Ylli i Kanada, Alphonso Davies, pësoi një dëmtim të kofshës me Bayern Munich dy javë më parë dhe është në dyshim për këtë përballje. Kjo është një goditje e madhe për teknikun Herdman. Në fakt, Davies nuk është vetëm lojtari i tyre kryesor, por është integral në mënyrën se si ata mund të organizohen. Kjo, duke pasur parasysh aftësinë e tij për të qenë në gjendje të luajë si mbrojtës krahu, mesfushor krahu, ose si numër 10. Pjesa kryesore e formacionit titullar të Kanada luan në Evropë. Kështu që, testi kundër Belgjikës nuk do të jetë asgjë e re për shumë prej tyre. Mbi të gjithë për Larin dhe Tajon Buchanan, që luajnë në Belgjikë për Club Brugge.

FORMACIONET

Formacioni i mundshëm i Belgjikës:

Courtois; Alderweireld, Vertonghen, Debast; Meunier, Tielemans, Witsel, Castagne; De Bruyne, Batshuayi, E Hazard

Formacioni i mundshëm i Kanadasë:

Borjan; Laryea, Johnston, Steven Vitoria, K Miller, Adekugbe; Buchanan, Hutchinson, Eustaquio; David, Larin