Është Kupa e Botës e yjeve dhe ata më të ndritshmit luajnë të gjithë për PSG e Nasser Al-Khelaïfi. Jo rastësisht president i fondit të pasurisë sovrane të Autoritetit të Investimeve të Katarit. Pas shfaqjeve të shkëlqyera të Messi e Mbappé, Brazil-Kore e Jugut ishte nata e Neymar. Braziliani me rikuperimin e shpejtë përzuri fantazmat e vitit 2014 dhe e çoi skuadrën në çerekfinale. O’Ney u bë braziliani i tretë, me Ronaldo dhe Pele, që ka shënuar në tre Kupa Bote. E pikërisht ai gol me penallti e afron Neymar vetëm një hap larg O’Rey, 76 gola në kombëtare kundrejt 77 nga Pelé.

REKORDET E TRIDHËMBËSHIT TË PSG-së

Nata në të cilën Neymar i afrohet më të madhit, është edhe nata kur sulmuesi i PSG ‘iu përgjigj’ shokëve të tij të klubit. Të tre janë duke rishkruar historinë e futbollit, me paraqitjet e tyre të shkëlqyera në Katar.

Në ndeshjen e tij të njëmijtë, Lionel Messi kaloi Diego Armando Maradonën, për golat e shënuar në Kupën e Botës me Argjentinën. Pleshti ka shënuar 9, ndaj 8 të Pibe de Oro. Për më tepër ai e barazoi Maradonën në një seri statistikash të tjera të kampionatit botëror, që e afrojnë Pleshtin me legjendën e Dies. Për ta arritur vërtet atë, të gjithë argjentinasit tani po i kërkojnë një gjë: Kupën.

Të njëjtën Kupë që Kylian Mbappe e fitoi për herë të parë pa mbushur ende 20 vjeç. Ylli i Francës ka shënuar 9 gola në Kupën e Botës, duke barazuar Baggio, e kaluar CR7, pa qenë as 24 vjeç. Arritjet e shpejta të Mbappe janë një nga temat e mëdha të këtij Botërori që sjell sërish mitin e Pele. Mbappé mund të fitojë dy Kupa Bote në këtë moshë, ashtu siç bëri O’Rei.

Duket se ka një fije të mirë që lidh të dy fenomenet. Duket sikur futbolli ka gjetur më në fund trashëgimtarin e Mbretit. E ndërsa Kylian lutet për shëndetin e brazilianit, Pele e shikon atë në televizor nga një dhomë spitali. I njëjti nga i cili shpreson ta shohë Neymar t’i bashkohet në numrin e golave për Brazilin, në çerekfinale kundër Kroacisë.