Secili prej nesh të paktën një herë është qortuar gjatë fëmijërisë se nuk ka dashur të pijë qumësht.


Herë pas here, të moshuarit sugjerojnë që të përfshijmë qumështin në vaktet tona të përditshme, edhe në moshë të rritur.

 

A e keni pyetur ndonjëherë veten se cila është arsyeja që e rekomandojnë kaq shumë qumështin?

 

Është kalciumi. Eshtë e panevojshme të thuhet se shëndeti i kockave tona përkeqësohet me kalimin e kohës.

Dhe shëndetit të kockave nuk i kushtohet rëndësi e mjaftueshme. Është koha që të bëjmë ndryshime tani, para se të jetë tepër vonë.

Këtu janë disa gjëra që duhet të shmangni për të ruajtur shëndetin e kockave:

 

Pirja e duhanit dhe alkoolit

E po, jo vetëm për shëndetin e kockave tuaja, por duhet ta lini duhanin për jetëgjatësinë e përgjithshme. Sipas Qendrës Kombëtare për Informacionin Bioteknologjik (NCBI), pirja e duhanit kontribuon në humbjen e kockave dhe frakturat. Dhe kjo ndodh ndoshta për shkak të ndërhyrjes me estrogjenet, kalciumin dhe vitaminën D.

 

Pirja e duhanit është përgjegjëse për ekuilibrin më të dobët të kockave dhe është një faktor kryesor rreziku për humbjen e kockave.

Nga ana tjetër, nëse konsumoni alkool të tepërt, atëherë pengohet kalibri i trupit tuaj për të absorbuar dhe rregulluar kalciumin, vitaminën D dhe hormonet.

 

Për më tepër, kjo mund të rrisë shanset e humbjes së densitetit të kockave dhe thyerjes së tyre.

Shumë kripë

 

Sipas NCBI, një konsum i lartë i kripës nuk lidhet vetëm me osteoporozën dhe humbjen e kalciumit urinar, por gjithashtu është lidhur me shumë kushte patologjike si hipertensioni, sëmundjet kardiovaskulare dhe gurët e kalciumit në veshka.

Ushqimet si patate të skuqura, kokoshka, mund të jenë ato me sasinë më të madhe të kripës. Për të ruajtur ekuilibrin, nuk keni nevojë të hiqni plotësisht kripën, por sasia juaj ditore duhet të jetë më pak se 2300 miligramë natrium.

 

Ushqime të konservuara/të përpunuara

Lidhja midis ushqimeve shumë të përpunuara dhe cilësisë së reduktuar të kockave, është vërtetuar nga studiuesit nga Universiteti Hebraik i Jerusalemit.

 

Ndërsa ushqimi i konservuar e bën jetën tonë më të lehtë duke na kursyer kohën, ai gjithashtu mund të rezultojë në inflamacion të kockave, nëse konsumohet çdo ditë.

Gjithashtu, disa nga ushqimet e paketuara janë shumë përgjegjëse për inflamacionet e kockave.

 

Madje, disa nga perimet më të shëndetshme si kërpudhat, patatet e ëmbla, domatet dhe patëllxhanët mund të rezultojnë gjithashtu në inflamacion të kockave.