NATO i ka uruar 110 vjetorin e pavarësisë Shqipërisë. Në rrjetet sociale, Traktati i Atlantikut të Veriut, ka postuar një foto të ushtrisë shqiptare. Aty ai i fton të gjithë që të bashkohen me urimin.

 “Bashkohuni me ne për të festuar me aleatin tonë Shqipërinë, në Ditën e tyre të Pavarësisë!” shkruhet në njoftimin e NATO-s.

Shqipëria sot feston 110–vjetorin e shpalljes së pavarësisë. Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.