Reshjet e dendura të shiut gjatë mbrëmjes së djeshme kanë sjellë problematika në disa zona të vendit. Reshjet e shiut gjatë mbrëmjes së djeshme kanë bërë që prurjet në Lumin Erzen të jenë shumë të mëdha dhe si pasojë raportohet se ai ka dalë nga shtrati. Kjo ka bërë që disa banesa të përmbyten. Për shkak të sasisë së madhe të ujit mbi 12 familje janë të izoluara në Shijak.

Mësohet se në të dyja anët e Urës së Shijakut janë nën ujë disa banesë.  Nukk ka informacion në lidhje me demet që mund të jenë shkaktuar në banesat e izoluara dhe sa sipërfaqe tokë është përmbytur.