Kryetarja e  Lëvizjes Socialiste për Integrim, Monika Kryemadhi ka uruar festën e Fitër Bajramit për të gjithë besimtarët e fesë myslimane, pas një muaji sakrificash e solidariteti në Muajin e Ramazanit. Kryemadhi është ndalur jashtë ambienteve të Komunitetit Mysliman për të përcjellë urimin se pas errësirës vjen gjithmonë drita ndërsa shtoi se duhet ringritje për të përballuar sfidat. E para e LSI-së ka thënë se për shqiptarët duhet të vijë frymë e ndryshim i ri, për të cilën sipas saj, qytetarët kanë nevojë.

“Kemi një ditë pak gri por gjithmonë pas errësirës vjen drita. Në këtë Fitër Bajrami dua t’u uroj të gjithë shqiptarëve pas një muaji stërmundimesh dhe argjërimesh për të shlyer mëkatet e jetës sot është dita e madhe  e krijimit të një jete të re, e krijimit të një fryme të re, begatie dhe solidariteti për të cilën shqiptarët kanë nevojë sot më shumë se kurrë.” tha Kryemadhi.