Kuvajti njoftoi sot se Arabia Saudite do të heqë bllokadën prej kohësh të Katarit dhe do të hapë kufijtë e saj drejt këtij vendi, i cili është hapi i parë drejt përfundimit të krizës në Gjirin Persik.

Ministria e Punëve të Jashtme të Kuvajtit deklaroi se Arabia Saudite do të hapë kufijtë ajrorë, tokësorë dhe detarë sonte drejt Katarit, njoftoi agjencia shtetërore e lajmeve Kuvajtit.

Kuvajti është një ndërmjetës midis Katarit dhe katër vendeve arabe që vendosën një embargo ndaj këtij vendi në mes të vitit 2017, duke pretenduar se Doha mbështet grupet islamike në rajon dhe mban lidhje të ngushta me Iranin.

Njoftimi për heqjen e embargos saudite vjen përpara takimit të nesërm të liderëve të vendeve arabe të Gjirit Persik.

Udhëheqësi i Katarit pritet të marrë pjesë në një samit të tillë për herë të parë që nga vendosja e embargos.