Inuk

TIRANE – Inspektorati Ndërtimor Urbanistik Kombëtar vijon aksionin për prishjen e ndërtimeve pa leje përgjatë aksit Tiranë-Vaqarr.

Mësohet se gjatë ditës së sotme aksioni i INUK është përqëndruar në afërsi të urës së Beshirit, ku pritet të shembet edhe një ndërtesë me shpërthim të komanduar.

INUK paralajmëron se për arsye sigurie do të ndalohet qarkullimi në aksin Tiranë-Vaqarr, nga ora 13:00 deri në 15:30 të ditës së sotme.

INUK kërkon mirëkuptimin e qytetarëve për ndalimin e qarkullimit për rreth 2 orë e 30 minuta.