Fëmijët e shkollës së Rinasit kanë bojkotuar mësimin këtë të mërkurë dhe u janë bashkuar protestës së prindërve të tyre kundër vendimit të Autoritetit Rrugor për të devijuar rrugën e Rinasit me një sens kalimi.

Për të demonstruar pasojat e devijimit të rrugës qytetarët kanë marshuar drejt shkollës së fshatit, në të cilën mungonin rreth 90% i nxënësve. Në mbështetje të komunitetit ishin edhe mësuesit, të cilët thanë se për të ardhur nga Fushë Kruja në shkollën e Rinasit, u duhet të vijnë në Vorë, Qafë Kashar, e më pas në Rinas.

“Unë vij nga Fushë Kruja, duhet të iki në Vorë, Qafë Kashar dhe pastaj të vi në Rinas.

Ne jemi pjesë e komunitetit dhe duam që fëmijët të vijnë në shkollë. Nuk e di arsyen pse e kanë bërë këtë bllokim, por duhet të 90 për qind e fëmijëve nuk ka qenë pjesë e shkollës, stafi ka qenë i plotë. I kemi rënë rreth e rreth për të ardhur këtu. Duhet të bëjmë 30 km ndërkohë që distanca është 8 km”, tha mësuesi.