prifti1

Ish-deputeti dhe ish-ministri Dritan Prifti ka kthyer përgjigje pas përmendjes së emrit të tij nga Meta në seancën parlamentare të së enjtes. Në një deklaratë të shpërndarë për mediat ai ka kthyer përgjigje për akuzat e Metës se ekziston një video mes tij dhe Shkëlzen Berishës (djalit të ish-kryeministrit). Prifti citon se e mendonte të mbyllur historinë e armiqësisë me Metën ndërsa për deputetin Paulin Sterkaj ai e ka shigjetuar edhe në rafshin personal.  

DEKLARATE PER OPINIONIN PUBLIK DHE MEDIAT

Nga DRITAN PRIFTI

E kam pritur, si nje mik i deputetit Tom Doshi, qe kjo situate e ndezur politike do me përfshinte edhe mua brenda, sidomos pas publikimit te videos se te penduarit per krim. 

Sic e kane pare tani nje mase e madhe e shqiptareve, afersisht 100,000 persona vetem nepermjet faqes se Tom Doshit ne FB, duket qarte pse Ilir Meta paguante per te vrare Tom Doshin.  Vrasja porositet ne shenje hakmarrje per mbështetjen qe Tom Doshi me dha mua per te publikuar videon me Meten, qe ne publik ka marr emrin “video e 700,000 eurove”.  Meta, tani i plotefuqishem ne pushtet, ka gjithe mundesine te hakmerret ndaj meje dhe Tom Doshit. 

Dua te hedh poshte me neveri faktin qe une kam ndonje përfshirje direkte apo indirekte ne denoncimet e Tom Doshit.  Historine e Tom Doshit nuk e kam ditur. Nje dite e pyeta pse kishte marr makine te blinduar dhe bodigarde dhe atehere me tregoi historine qe tashme eshte bere publike.  Ma ka treguar ne muajin Tetor 2014. Me tha se kish njoftuar autoritetet e shtetit, por edhe Ilir Meten per kete.  Une e këshillova te mos shqetesohej, sepse ne momentin qe ngjarja u be e njohur per porositesin, ai do ndalonte.  Tom Doshi ishte shume i shqetesuar per djalin e penduar qe i kishte treguar atij te verteten. Do ma vrasin thoshte. Dhe ne momentin qe ndaj te penduarit u tentua atentat me eksploziv, Toma me tha se “… nese nuk e bente ngjarjen publike, do mbante pergjegjesi per jeten e atij djali”.  Dhe ngjarja u be publike, pavaresisht se une insistova qe mos te behej publike, sepse une e provova qe ne Shqiperi nuk ka drejtesi te pavarur. Une bera nje denoncim te njejte dhe askush nuk u denua.

Per hir te se vertetes, une personalisht nuk njoh dhe nuk kam takuar kurre asnjë personazh te kësaj historie. Nuk kampasur kuriozitet as te shoh videon e publikuar. E kam pare te plote diten qe u be publike edhe per te tjeret.

Sot ne Parlament nga Ilir Meta dhe Paulin Sterkaj u përmend emri im shume here. Pa i cituar fjale per fjale, afersisht Meta tha se une kam video me Shkelzen Berishen, kurse Sterkaj tha se une paskam krijuar kete situate,sepse jam shume i pasur.

Ilir Metes po i them se nuk kam dhe s’kam pasur kurre video me Shkelzen Berishen. Shkelzen Berisha nuk eshte përmendur kurre ne videot qe une kam pasur per Meten apo te aferm te tij.  Cdo insinuate ne kete drejtim eshte vetem shpifje.  Kam takuar Ilir Meten shume kohe pas perplasjes tone ne Prokurori dhe Gjykate dhe kisha kuptuar se kishim vendosur nje paqe mes nesh.  Per hir te kësaj paqe u prira te besoja qe ai nuk kishte gisht ne goditjet e ndryshme qe vinin drejt meje. Mbase jam i gabuar se mes nesh mund te kete ndonje here paqe.

Kurse Paulin Sterkajt po i them se financiarisht nuk jam as i pasur dhe as i varfer. Jam person qe mbaj veten dhe familjen time, me shkollimin e rralle, specializimet dhe eksperiencen time te vyer ne drejtim. Kam investuar per trurin.  Sot kam nje fondacion bamirësie dhe nje firme konsulence dhe punoj kryesisht me te huajt qe kane investuar dhe duan te investojne ne Shqiperi.  Kontriboj shume qe vendi ku jetoj dhe po rris femijet e mi te zhvillohet. Ndihmoj te huaj te investojn edhe shqiptare te gjejne partner te huaj. Por, me beso Paulin, se pasuria ime me e madhe eshte familjaime. Kam nje grua qe nuk me largohet nga krevati ne drejtim te paditur. Kam dhe 4 femije te mbare dhe pa vese, qe nuk kane nevoje per detoksikim nga droga apo substanca te tjera.  Kjo eshte pasuri e vertete.”