Sali Berisha, deklaroi sot se PD e përkrah hapjen e negociatave dhe miraton çdo akt e vendim në kuadër të integrimit. Por Berisha tha se kryeministri Edi Rama duhet të tërhiqet nga nisma e aministisë fiskale, duke e quajtur këtë një provokim ndaj BE-së.

Berisha u zotua se PD do e shpallë të pavlefshme këtë nismë kur të vijë në pushtet, duke dërguar para ligjit këdo që ka përfituar. Berisha tha se vendet e BE-së dhe partnerët tanë duhet të insistojë kundër nismës.

“Nga ana tjetër u bëj thirrje vendeve anëtare të BE-së që të insistojë deri në fund kundër miratimit të këtij ligji që dëshmon lidhjet e tmerrshme të regjimit të Edi Ramës me organizatat kriminale brenda dhe jashtë vendit.

PD organizohet se me të ardhur në pushtet, ajo do invalidojë këtë amnisti dhe do vendosë para ligjit të gjithë personave që kanë përfituar nga kjo amnisti, duke iu kërkuar burimin e të ardhurave.

Emrat e këtyre personave do u jepen organeve fiskale dhe penale jashtë për t’i përndjekur nëse kanë veprimtari atje.

Edhe njëherë shpreh mirënjohjen time të thellë ndaj BE-së dhe vendeve anëtare dhe e konsideroj turp qëndrimin bukëshkalë të Edi Ramës,” tha Berisha.