Këngëtarja shqiptare me famë botërore, Bebe Rexha, ka qenë më pak aktive në rrjetet sociale gjatë këtij viti, ndërsa dje në Instagram ka hedhur foto nga pushimet me të dashurin e saj.

Megjithatë së fundmi, ajo ka publikuar për fansat disa fotografi të reja, duke dhënë kështu indikacione se shumë shpejt mund të pritet diçka e re nga ajo.

Ndërkohë, Rexha duket se po ndjehet e lumtur dhe më se e plotësuar edhe në jetën private.

Kjo pasi 32-vjeçarja publikoi të premten një sërë fotografish të realizuara në bregdet, ku shihej mjaft e lumtur dhe në formë të mirë fizike.