4567

Katër persona të maskuar kanë zgjedhur pikërisht ditën e 7 marsit për të sulmuar Muzeun e Alfabetit të gjuhës shqipe në Manastir. Këtë ngjarje e ka bërë të ditur edhe Ministria e Punëve të Brendshme.

Nga MPB kanë thënë se në orët e para të mëngjesit, 4 persona të maskuar kanë tentuar t`i vënë flakën Shtëpisë së Alfabetit në Manastir.

Policia e Manastirit ka siguruar kamerat e sigurisë dhe një shishe molotovi e ka nisur për ekspertizë kriminalistike në Shkup, që të mund të sigurohen provat e nevojshme për kryerësit e veprës. Është kyçur edhe sektori i krimit të organizuar dhe shërbimet e sigurisë dhe kundërzbulimit. Është urdhëruar edhe hapja e verifikimeve operative dhe plan operativ”.

Muzeu është sulmuar edhe vitin e kaluar në datën 22 nëntor 2016 dhe është shoqëruar me thirrjet “vdekje shqiptarëve”. Data 22 nëntor është data kur është mbajtur Kongresi i Manastirit ku u unifikua alfabeti shqip.

Edhe sulmi i sotëm ka ardhur në një tjetër datë feste për shqiptarët, atë të 7 marsit, datë kjo kur u hap shkolla e parë shqipe.