captureokb_12077
Shqipëria “befason”. Për herë të dytë, brenda më pak se dy muajve ka votuar kundër SHBA-së në OKB. Votimi më i fundit, është ai i djeshmi, kur Shqipëria u rreshtua kundër SHBA-ve në një votim në Asamblenë e OKB-së, duke përkrahur një rezolutë që dënon embargon amerikane ndaj Kubës. SHBA dhe Izraeli votuan “jo” ndaj kësaj rezolute, ndërkohë që Shqipëria iu bashkua 185 vendeve të tjera, në dokumentin që votohet çdo vjeshtë prej 23 vitesh në OKB.
Asambleja e Përgjithshme e Kombeve të Bashkuara ka votuar për të dënuar embargon e Shteteve të Bashkuara në Kubë. Ky ishte votimi i parë për këtë problem, pasi të dyja vendet rivendosën marrëdhëniet diplomatike. Izraeli u bashkua me Shtetet e Bashkuara në votim. Vendi ynë nëpërmjet përfaqësuesit të saj zgjodhi të mos votojë kundër, abstenojë apo qoftë edhe të mos votojë fare. Por, u rreshtua pro Kubës, kundër aleatit tonë strategjik.
Kuba vlerëson se embargoja ka shkaktuar ekuivalentin e 109 miliardë euro dëme në ekonominë e saj. Presidenti amerikan Barak Obama tha në Asamblenë e Përgjithshme të OKB-së muajin e kaluar se ai ishte “i bindur” se Kongresi i SHBA-ve “në mënyrë të pashmangshme do të heqë embargon”.
Votimi është bërë një ritual vjeshte në Kombet e Bashkuara. Vitin e kaluar, për vitin e 23-të rresht, organi ndërkombëtar me shumicë dërrmuese miratoi rezolutën që dënon embargon amerikane ndaj ishullit me një votim 188 me 2. Shtetet e Bashkuara dhe Izraeli ishin të vetmit kombe që votuan kundër rezolutës. Edhe këtë vit, Izraeli u bashkua me Shtetet e Bashkuara në votim.
Ky është votimi i dytë i Shqipërisë, kundër SHBA-ve në OKB.
Pak javë më parë, Shqipëria votoi “kundër” qëndrimit amerikan në OKB dhe “pro” hyrjes së Palestinës në organizatë.

Për më shumë mund të lexoni edhe …

Shqipëria votë të kundërt me SHBA, Rama plotëson dëshirën e Erdogan, voton pro Palestinës
/web/Shqiperia_vote_te_kundert_me_SHBA_Rama_ploteson_deshiren_e_Erdogan_voton_pro_Palestines_7082_1.php