minstri

Në studion e Sokol Ballës ministri i Financave Arben Ahmetaj bëri një deklaratë jo pak të çuditshme.

“Kemi thënë 300 mijë vende pune në ekonomi, kemi 183 mijë vende pune në sektorin jobujqësor. Në total, në ekonomi janë mbi 300 mijë vende të reja pune të krijuara”

Balla ndërhyn duke nënvizuar se në vitin 2013 kishte deklaruar 300 mijë vende pune pa bujqësinë dhe madje kishte akuzuar kundërshtarin politik se përdorin bujqësinë, sot pas 4 vitesh kthehet në atë tezë.

“Jo! Nuk është kështu. Ekonomia është një. Sot janë 683 mijë të punësuar në total në sektorin jobujqësor me gjithë administratën. Këta përfitojnë nga ulja e taksës. Janë vende pune të krijuara në ekonomi dhe nëse është rritur konsumi është rritur falë rritjes së punësimit” – tha Ahmetaj.