policia_3
Dy komshije përfundojnë në komisariat për shkak të zënkave me njëra­-tjetrën për të dashurin.

Ngjarja është shënuar dy ditë më parë në kryeqytet, ku protagoniste janë K.K. dhe L.K.

Sipas burimeve të policisë së kryeqytetit, këto dy femra nuk janë të panjohura për dyert e policisë, po për të njëjtën arsye, “i dashuri” i cili ia kishte fituar zemrën dy grave të martuara.

Këtë herë zënka mes tyre kishte degraduar deri në kanosje nga ana e K.K., e cila i kishte dërguar në derën e shtëpisë kundërshtares së saj një plumb brenda në zarf, raporton Shqiptarja.com.

“Më datë 20.01.2016, u referuan materialet në Prokurorinë e Rrethit Gjyqësor Tiranë, për shtetasen K.K., 54 vjeç, banuese në Tiranë, pasi dyshohet se në banesën e një shtetase, ka vendosur një zarf me një fishek. Neni 278 e 84 i Kodit Penal”, thuhet në njoftimin e policisë.

Burimet theksuan se dy gratë e mësipërme janë të dyja martuara, por kanë hyrë në zili me njëra­-tjetrën për të dashurin e tyre “bukurosh”.

Prej kohësh mësohet se dy gratë janë komshije në të njëjtin pallat, por që kishin hyrë në hasmëri me njëra­tjetrën për “djaloshin e tyre”, ku secila pretendonte ta mbante për vete. Ndërkohë, blutë e komisariatit numër dy thonë se kjo nuk është hera e parë që gratë paraqiten në dyert e policisë, pasi ka pasur edhe disa raste të tjera.

Rasti i dy ditëve më parë ishte e katërta herë për dy gratë që paraqiteshin në komisariat, për shkak të skemave të sherrit që krijonin për të dashurin, që sipas policisë secila pretendonte ta mbante për vete.

Edhe pse e martuar e me familje, 54­vjeçarja K.K. dy ditë më parë për të fituar të dashurin dhe për të larguar rivalen L. nga kjo histori, i kishte dërguar kësaj të fundit një plumb brenda në zarf në derë të shtëpisë.

Kjo e fundit (edhe L.K. e martuar) është paraqitur përsëri në komisariat për të bërë denoncim ndaj komshijes së saj.

Menjëherë burimet thonë se është bërë shoqërimi i 54­vjeçares, ndërsa i janë ngritur akuzat e “Prodhimit dhe mbajtja pa leje e armëve luftarake” dhe “Kanosja”.

Burimet thonë se K.K është shprehur në polici së gjithçka e ka kryer për shkak të xhelozisë së saj, pasi L.K. pretendonte t’i merrte të dashurin.

Për këtë arsye është shprehur më tej 54­vjeçarja, kanë ndodhur edhe zënkat e shumta me komshijen e saj